بسم الله الرحمن الرحيم
نبدأ الحكايه من اولها1- منتخبنا يلاعب البرازيل وتشائم كبير فى الشارع المصرى وفى الصحافه والمنتخب يقدم مباراه كبير
ويخسر بشرف 4-3 وبعد المباراه كل الناس اخدت حقها من مدح كلهم لاعبين وجهاز وده حقهم
2- منتخبنا يلاعب ابطال العالم وكلنا كنا نطمع فى اداء مشرف مثل مباراة البرازيل ويفاجئنا المنتخب
ويحقق الفوز رغم انخفاض الاداء عن لقاء البرازيل وبعدها نال الجهاز الفنى بقياده شحاته واللاعبين
اشادات من الجميع من الجمهور والنقاد مش فى مصر بس لا فى الوطن العربى اجمع
3-منتخبنا يلاقى اضعف فرق المجموعه ويخسر بالثلاثه واداء باهت ومتخاذل من اللاعبين واداره سيئه
جدااااا للمباراة من الجهاز الفنى ورد الفعل كان متوقع من الشارع وحزن شديد جداا فى الشارع المصرى والعربى
ظهور خبر السرقه فى جريدتين فى جنوب افريقيا والخبر واحد وكلنا عرفنا الخبر وكمان محضر البوليس
بيأكد الخبر والخبر انتشر على جميع المواقع ومحدش من الاتحاد او الجهاز الفنى او الاعبين فتح بقه وكمان
احمد حسن بيقول لما اتسألوا فى المؤتمر الصحفى نفوا خبر السرقه علشان شكل البلد طيب يا عم احمد
انتوا يهمكوا اوى شكل جنوب افريقيا اهى جنوب افريقيا بتأكد خبر السرقه ولكن بتداعى ان سبب
السرقه هو وجود بعض الفتايات مع اللاعبين فى غرفهم وبعد كده ترجعوا وتقولوا احنا فعلا اتسرقنا على
العموم الموضوع ده بايخ وخد اكبر من حجمه وعمرو اديب من وجهة نظرى اخطأ ولكن الخطأ الاكبر
كان على الناس اللى خبت من الاول حكايه السرقه ديه علشان شكل جنوب افريقيا
عمرو اديب سبب الخسارهامس شعرت وكأن عمرو اديب هو سبب الخساره وكأنه هو اللى نزل تشكيل خطأ ولاعب فتحى مساك والمحمدى باك وطلع اوكا بره وحمص احسن لاعب فى ماتش ايطاليا واكتر لاعب جرى بره وهو اللى خرب بيتنا
هو فيه ايه؟هو احنا كده دائما نحب نشيل الليله لاى حد وخلاص كل الناس طلعت بعد المباراه وكل اللاعبين وتقطيع فى عمرو اديب يأخى صحيح اللى اختشوا ماتوا
اكتر حاجه بكرهها فى حياتى الناس اللى تحب تزايد على حب البلد دى يعنى امبارح كل البرامج الرياضيه بقياده شوبير سابت المباراه واخطأ الجهاز الفنى الفادحه واللاعبين المتخاذلين فعلا متخاذلين ومسكوا فى كلام عمرو اديب وبقى اللاعبين مظلومين وشهداء
هو فيه ايه؟هى البلد دى بقت مليانه منافقين ومطبلاتيه كتير اقوى كده ليه
بجد الواحد قرفاااااااااااااااااااان من حياته بعد اللى حصل امبارح