أصعب ما فى الحب أنه يكون من طرفك وحدك
وأصعب شىء على القلب إنك تستسلم لحبك
تستسلم لقلب كان من الصعب أنه يحبك
لانه لغيرك مش ليك وعمر قلبه ما هايكونلك
وأهم حاجة يا قلبى إنك تدارى كل مشاعرك
تدارى عليه نظرة عنيك وتدارى كمان لهفة قلبك
علشان قلبه ما يحسش بيك وتفضل معتز بكرامتك
لما تكون عايز تنساه خليك دايماً واهم نفسك
إن مشاعرك كانت كدب وإرجع تانى لعهدك
العهد اللى أخدته عليك إنك تضغط على قلبك
وتبعد عنه وعن حبه وعن أى إحساس يقابلك
ولو حسيت إنك بتحبه خلى العقل يساعدك
خليه يساعدك على نسيان أى لحظة حب تقابلك
وبعد ده كله سهل عليك إنك تنسى كل عواطفك
وترجع لعهدك وتفوق من حب عمره ما كان هايعيشلك
وفعلا فوقت ورجعت ونسيت يا قلبى أول حبك