سحر عنيك

يا مالكنى بسحر عنيك
يا ساكن جوا قلبى
يا أسرنى بشوق لياليك
بنسى العالم وأنت جنبى
كل نظرة من عنيك
بتوعدنى وبتطمن قلبى
كل لمسة من إيديك
بتقربنى بشوقى وحبى
عدد أيام حياتى
بقول يا حبيبى بحبك
عدد شوقى وسهادى
بنادى يا عمرى بإسمك
يا أغلى عندى من كل شىء
عمرى يا غالى بيحلى بقربك
ملكت قلبى يا تؤام روحى
يا كل العمر خلينى جنبك
لو غبت عن عنيا
بشعر إنى وحيد
لما إيديك تحضن إيديا
بتولد إنسان جديد
يا حبيبى يا كل ما ليا
حبك ساكن فى الوريد
يا أغلى من نور عنيا
دانت حبى الوحيد