غايب عنى

إمتى تعود يا غايب عنى
إمتى فى يوم تيجى تطمنى
أنا مشتاقة ....أنا محتاجه
أسمع صوتك وتكلمنى
قلبى بينادى عليك
عقلى بيفكر فيك
غيابك طال .... والبعد نار
قربنى يا غالى ليك
إمتى عينى تيجى فى عنيك
إمتى قلبى يحس بيك
أمتى تقرب .... أمتى تجرب
شوقى ولهفه قلبى عليك
حبك عايش فى كيانى
ولا لحظة تغيب عن بالى
هاستناك .... مش هانساك
بس إرجعلى يا كل زمانى
وحشتنى كل لحظة حب
وحشتنى كل دقة قلب
وحشنى همسك .... وحشنى لمسك
بعادك عنى يا عمرى صعب
كل نظرة من عينيك
كانت بتقرب قلبى ليك
بسمع منها كلامك
بعرف منها غرامك
بحس بيها وباشتاق إليك